ମହାବିଷୁବ ସଂକ୍ରାନ୍ତିରେ ‘ଓଡ଼ିଆ ନବବର୍ଷ’ ଅତ୍ୟନ୍ତ ଭବ୍ୟ ଭାବରେ ସାରା ରାଜ୍ଯରେ ପାଳନ କରାଯାଉଛି । ଓଡ଼ିଶାର ଜନଜୀବନ ଓ ସଂସ୍କୃତି ସହ ଗଭୀର ଭାବେ ଜଡ଼ିତ ଏହି ଅବସର ହେଉଛି ନୂଆ ଆରମ୍ଭ, ଅପାର ସମ୍ଭାବନା ଓ ସମୃଦ୍ଧିର ପ୍ରତୀକ । ଓଡ଼ିଆ ଏକତା, ଓଡ଼ିଆ ଅସ୍ମିତାର ମହତ୍ତ୍ୱକୁ ଦର୍ଶାଇ ଆସନ୍ତୁ ଗୌରବେ ପାଳନ କରିବା ‘ଓଡ଼ିଆ ନବବର୍ଷ’ ।
୧. ଓଡ଼ିଆ ନବବର୍ଷ ହେଉଛି ଓଡ଼ିଆ ଅସ୍ମିତାକୁ ଜୀବନ୍ତ ରଖିବାର ଭବ୍ୟ ଅବସର ।
୨. ପ୍ରକୃତିକୁ ପୂଜା କରିବା ସହ ସକାରାତ୍ମକ ମନୋଭାବ ଏବଂ ନୂଆ ସଙ୍କଳ୍ପ ନେଇ ଆଗକୁ ବଢିବା ।
୩. ନୂଆ ପୋଷାକ ପିନ୍ଧି, ଘରକୁ ସଜାଇ ଓ ପରିବାର ତଥା ବନ୍ଧୁ ପ୍ରିୟଜନଙ୍କ ସହ ମିଶି ଏହାକୁ ପାଳନ କରନ୍ତୁ ।
୪. ବିଭିନ୍ନ ପାରମ୍ପରିକ ପିଠାପଣା ସହ ସୁସ୍ଵାଦୁ ଖାଦ୍ୟ ପ୍ରସ୍ତୁତ କରି ‘ଓଡ଼ିଆ ନବବର୍ଷ’ ପାଳନ କରିବା ।
୫. ସମସ୍ତଙ୍କୁ ‘ଓଡ଼ିଆ ନବବର୍ଷ’ର ଶୁଭେଚ୍ଛା ଜଣାଇବା ସହ ସାମାଜିକ ଗଣମାଧ୍ୟମରେ #OdiaNewYear ଏବଂ #OdiaPakhya2026 ବ୍ୟବହାର କରି ପ୍ରସାରିତ କରିବା ।
